ပေါင်ပဲ့လက်ကျိုး .. ရခိုင်မျိုး

အဝေး .. ရခိုင် ၊ ရခိုင်သားရို့
၁၆၆၆ ခု မဂိုအင်ပါယာ
ချဲ့ထွင်လာခါ ...
ငါရို့တိမာ
ကြံကြံခံဗျာလ် တိုက်ပြန်ကေလည်း
အနောက်တံခါး နတ်မြစ်နားထိ
ဖဲပီးလိုက်ရ
လ၀န်ဘ၀ ပဲ့ကြွီကျရေ .. လခြမ်းမြီ။

အဝေး .. ရခိုင် ၊ ရခိုင်သားရို့
ယင်းကတဖန်
ဥသြရီသောက် ထီးနန်းပျောက်တေ
ဗမာအင်ပါယာ စစ်မကြေငြာဘဲ
တိုက်ခိုက်လာပြန်
ငါရို့တိမာ ..
ထီးနန်းလည်းဆုံး၊ လွတ်လပ်ဆုံးကာ
ဘုရားလည်းယူ၊ မင်းလည်းယူလား
ပြေဓညမာ
ပီရွက်ဆွဲခါ သက်ဆက်လာရ .. ငါရို့ဘ၀။

အဝေး .. ရခိုင် ၊ ရခိုင်သားရို့
ယင်းက တဖန် အင်္ဂလိပ်ကျွန်
ဂျပန်ကျွန်နန့် ..
ကျွန်သံသရာ တ၀ဲလည်ဗျာလ်
၁၉၇၄ ခု နိုင်ငံဘ၀..
ဆင့်လျော့ကျကာ ပြေဘ၀မာ
တောင်ဘက် ပလက်ဝ
မြောက်ဘက် ဟိုင်းကြီး
ပီးလိုက်ရပြန်
ပေါင်ပဲ့လက်ကျိုး ရခိုင်မျိုး။

အဝေး .. ရခိုင် ၊ ရခိုင်သားရို့
ငါရို့တိမာ..
ဝါးစည်းပြီပိုင်
သူက တလူ ၊ ငါက တမင်းနန့်
ဒေလမ်းထဲမှာ
ချီကကြောင်း ဆတ်တကြောင်းနန့်
ဗြီးနီလို့ကား ဖြစ်ဖို့သိမ့်လား....။

ဝေဟင်အောင်
၃၁၊ ၁၂၊ ၂၀၁၃။

ကသ-၂၂၉

ပုဏ္ဏားကျွန်းမြို့နယ်|ယိုးတရုတ် ရွာ
စာပီဟောပြောပွဲ(31-12-2013)
လွမ်းပြေ အောင်|စစ်တွေညိုသန့် |လေးဝတီ ခိုင်ကျော်
လေးဝတီခိုင်ကျော် ရွတ်ခ ရေ ကဗျာ-

ကသ-၂၂၉
---------
အမျိုးသားချင်း |သွီးကြားကြင်းလို့ မှန်ကင်းထင်းဖြစ် |ကျွန်တွင်းနစ်စွာ
အနှစ် နှစ် ရာ ကျော်လီယာ။
ပီရွက်ဆွဲမျိုး |ဇာတာဆိုးနန့် 
အမျိုးလေးပါး |ဖားတွားတွားလို့ 
အစားမဝ |ခါးမလှဘဲ
ဘဝသင်းကွပ် |ကြောရီချွတ်ထား
ဝဋ်ခါးခါး နန့်  |ဖွတ်ကျား ပက်ကျိ
နာမချိလေး | တရွိရွိလာ|
ပန်းတိုင် ရှာယင်း---။
မာယာမှိုင်းနန့် 
သမိုင်းကိုခြီ
နယ်မြီဖဲ့စား|ဖြတ်ညှပ်ခြားပျာ
စကားစာပီ|ရောကြိုမွှီလို့ 
ခြီပြတ်လက်ပြတ်|မျိုးတုံးဇာတ်နာ
ရင် မာ လောင် မီး|တညီးညီးလေ
သွီးနီရဲလျံ |ပြည်လုံးရွှန်မျှ
မဏ္ဋိုင် ပျက်သုဉ်း|မှောင် အတိ ဖုံးခ_။
အာရက္ခလမင်း
ရောင် ဝါ လင်းဖို့ 
သွီးချင်း သားချင်း |ညီနောင် ရင်းရို့ 
လက်ချင်းတွဲယှက် |ဂဟေဆက်ပျာ
ရှိတက်တိုးလှမ်း |ရဲမာန်စွမ်းနန့် 
မိုးသောက်ပန်းကို လှမ်းကတ်မေ။
နန်းတော်ကုန်းက
မိုးသောက်ထမာ
ပဟိုစည်သံ |ထိန့် ကြိုးညံပျာ
ရခိုင့်အောင် လံ ရွှင့် ကတ်မေ။
ရံ--ရံ--ရံ လား မေ ရို့ 
ရိုင်--ရိုင်--ရိုင် လား မောင် ရို့ ။ ။

(လေးဝတီခိုင်ကျော်/31-12-2013)