ရာဇ၀င်ပင်ရိုင်းရေ
အပိုင်းပိုင်းအပြတ်ပြတ်နန့်
အမှားတိထပ်မျိုးထပ်
စိတ်ဓါတ်တိမှောက်မှားခလို့
ပြိုင်းပေါက်ဖို့တောင် အနိုင်နိုင်
ငရို့ မဏ္ဍိုင်လေးဖက် ယိုင်ခဗျာယ်။
@@ ရွှေခေတ်ကို လွမ်း
တမ်းတရုံနန့် မပြီးချင့်
ရိုးမကိုထမ်း
ဖန်းပြရုံနန့် မအီးချင့်
ရှိကိုရော်ရမ်း
မှန်းဆရုံနန့် မနီးချင့်။
@@ လီမွှီလို့ အပင်သီကေလေ့
ဒေမြီက မကြိသိ
နိကျွမ်းလို့ ရီခမ်းကေလေ့
ဒေပန်းက မခြောက်သိ
လောင်းမှောက်လို့ ကမ်းမရောက်ကေလေ့
ဒေလမ်းက မပျောက်သိ။
@@ ညီညွတ်မှုနန့် အားမာန်ပျိုး
မျိုးချစ်စိတ်ကို လှုပ်နှိုးပနာ
ကံကြမ္မာဆိုးအရိပ်
ညှိုးအတိတ်က သင်ခန်းစာ
အမှားရှာပြုပြင် .. ပြုပြင်ယင်း..
ဒေလမ်းကို ပြန်ထွင်နိုင်ကေ
ခိုင်သဇင်ရို့ တံခွန်လွှင့်
မျိုးဂုဏ်တင့်လို့ အားမာန်ဝင့်။ ။
လှိုင်(ကစ္ဆပ)
၃၁-၅-၂၀၁၃။
ရခိုင်မဂ္ဂဇင်းမှာပါရေ ဒေကဗျာရေ ခေတ်နန့်လည်း ကိုက်ညီပါရေ။ ကြိုက်လည်း ကြိုက်လို့ ပြန်ရှယ်လိုက်စော်ပါ..
No comments:
Post a Comment