ကိုယ်ထူး ကိုယ်ထ ရခိုင်သား
မိုးကြီး လီကြီး လာပါရေ
မက္ကလာယူခ
အို... ယောက်ဖ
ယောက်ဖ မက္ကလာ
မဆောင်းပါ
တောမှာ ပေါက်ဖက်ဟိလီယင့်။
ပေါက်ဖက်ရှာဖို့
တောထွက်ခါ
တောတိလည်း ပြုန်း
တောင်ဂေါင်းတုံး....
ပေါက်ပင်ကားတွိ့
ပေါက်ဖက် မတွိ့
မိုးဒဏ် လီဒဏ် ခံလီဖိ။
မက္ကလာက အဆင်မပြေ
ထီးရိပ်ခိုဖို့ လုပ်ကတ်တေ
ထီးက ငယ်လို့ လူကို မဖုံး
နပူဖောက်လို့ ကိုယ်တုံးလုံး။
ထီးရိပ်လည်းမရ
မက္ကလာလည်း မဟိ
ရခိုင်သားတိမှာ ဒုက္ခတွိ
ကူသူမဟိ ကယ်သူမဟိ
ကိုယ်ထူ ကိုယ်ထ ရခိုင်သား
ရခိုင်သားလေ.. နာစွလေ။
သျှင်သွီး(နတ်တောင်)
၂၃၊ ၁၀၊ ၂၀၁၃။
No comments:
Post a Comment