အမောင် တက္ကသိုလ်ကျောင်းသား ...
အိမ်ကလာခါ
အမိမှာလိုက် ပညာလိုက်ဖို့
သားမောင် လိမ္မာ ပြန်လာစီချင်
ပညာယူခ ဘွဲ့ယူခလတ်။
အမောင် တက္ကသိုလ်ကျောင်းသား ...
တက္ကသိုလ် နီမြီ
ခြီချမိခါ ..
ဆလိပ်သောက်လိုက်၊ ကွမ်းစားလိုက်နန့်
အရက်သောက်လိုက်၊ ချဲထိုးလိုက်နန့်
ဘောပွဲကြည့်လိုက်၊ ဘောလောင်းလိုက်နန့်
ဂီတာတီးလိုက်၊ စော်ဖန်လိုက်နန့်
အိမ်က ဖဲသာ မှာလိုက်ပါမူ
အကြွီးဆပ်လိုက်၊ ကုန်လားလိုက်နန့်
ထိုထိုပညာ သင်လာလေ၏။
အမောင် တက္ကသိုလ်ကျောင်းသား ...
ကျောင်းကြီးပိတ်လို့
အိမ်ပြန်လတ်ခါ
(BA)ဘီအေမရ (BE)ဘီအီးရလို့
သေသောက်ကြူးဘွဲ့
ထမ်းလာလျှက်
ခံရသူမှာ မာတာမိခင်၊ ကျွေးဖခင်တည်း။
သျှင်သွီး(နတ်တောင်)
၃၁၊ ၁၀၊ ၂၀၁၃။
စစ်တွေမြို့ရှိ စစ်တွေတက္ကသိုလ်သို့ အနယ်နယ်အရပ်ရပ်က အဝေးသင်ဖြေဆိုဖို့ရောက်နီကတ်တေ တက္ကသိုလ်ကျောင်းသား/သူတိဧ့ သောင်းကျမ်းမှုကို မြင်ယင်း ကဗျာ တစ်ပုဒ်အဖြစ် ရွီးဖြည့် ခံစားကြည့်သည်။ အားလုံး ထပ်တူကျလိမ်မယ်လို့ ထင်ပါရေ -
No comments:
Post a Comment